Дэлхийн аваргын тэмцээний дараагийн учраад нисдэг хэмээн нэрлэгддэг Голландын шигшээ баг Их наран улсын шигшээ багтай Монголын цагаар 6 сарын 19-ны өдөр 19:30 минутанд тоглож, Голландын шигшээ багийн ялалтаар өндөрлөлөө.Тоглолт эхлээд Голландын шигшээ баг бөмбөгийг илүүтэйгээр эзэмшин довтолгоог өрнүүлж эхэлсэн. Тоглолтын 1-р үеийн эхний хагаст Голландын шигшээ багийн 10 дугаартай Wesley Sneijder болон 7 дугаартай хагас хамгаалагч Dirk Kuyt нар Японы хаалгаруу чиглэсэн цохилтуудыг хийсэн ч Японы хамгаалагчид сайн байж бөмбөгийг өөрсдийн талбайгаас холдуулж чадаж байлаа. 33 дахь минутанд Японы шигшээ баг эсрэг багийн 16-руу оруулсан бөмбөгийг 18 дугаартай довтлогч Honda хаалга руу хүчтэй мөргөсөн ч хаалгатай нэлээд зайтай өнгөрсөн. Тоглолтын эхний үеийн сүүл хэсэгт Японы шигшээ баг тоглолтыг темпийг өөрсдийн багт эргүүлэн хэд хэдэн аюултай довтолгоог гүйцэтгэсэн.
Тоглолтын 2 дугаар үе эхлээд 53 дахь минутанд Голландын шигээ багийн 10 дугаартай тоглогч Wesley Sneijder 16-гийн гаднаас хүчтэй цохилтоор тоглолтын тооны харьцааг “1-0” болгож Голландын шигшээ баг тэргүүлж эхэлсэн. Энэ гоол орсны дараагаар Японы шигшээ багтийн тоглолт илт сэргэж аюултай довтолгоонуудыг ээлж дараалан өрнүүлж байсан ч гоол хийж чадалгүй байсаар тоглолт “1-0”-ийн харьцаатайгаар Голландын шигшээ багийн ялалтаар өндөрлөсөн. Голландчууд хожсноор 6 оноотойгоор хэсгээ итгэл төгс тэргүүлж эхэлсэн. Японы шигшээ багийн хувьд 3 оноотой байгаа ба хэсгээсээ гарах эсэх нь хэсгийн дараагийн тоглолтоос хамаарах юм.
Тоглолтын бичлэгийг энд дарж үзнэ үү...
0 Сэтгэгдэлтэй: