Яг одоо гарыг чинь дэрлээд
Ялдамхан мишээх оддыг ширтмээр байна
Үнсэж аргадсан уруулын чинь амтанд согтуурч
Үймэрч хоцорсон сэтгэлээ аргадмаар байна
Хэзээ ч минийх болохгүй тэр амрагийг болзоонд хүлээж
Хэтэрхий оройтож учирсан хайрандаа бүдэрч
Санахын ялаар өөрийгөө шийтгэж байгаагаа мэдэж байвч
Санахгүй байж чадахгүйдээ шаналж байна
Үймүүлж орхисон үнсэлтийг чинь
Үгэнд чинь орооцолдож үлдсэн сэтгэлээ
Цагдаж хорих гээд чадахгүй байна
Цаг хугацаанд чамайг даатгаж үлдээлээ амраг минь
0 Сэтгэгдэлтэй: