Чи ирээгүй

Чи ирээгүй.... Гэрт минь хүйтэн жавар л хурганам

Чимээ алдараад сэтгэл чинь холдсоноос миний итгэл унтарсан

Чихэндээ ч үл итгэм чиний л хэлсэнд тэр үгэнд гомдохдоо

Чимээгүйхэн мэгшээд зүрхэндээ гунигаа би нуучихсан...

Чи тэгэхэд бас л ирээгүй... ирэх ч үгүй биз...

Жаргалтай амьдарнаа гээд чи гараад алхсан... Би араас чинь хараад л хоцорсон

Жаахан хүлээхэд ирнэ биз дээ гэж бодсон... гэтэл чи сураг тасарсан

Жам жамаараа хувь төөргөөрөө амьдрах гэж чи шийдсэн.. Би хорьж чадаагүй ээ

Жавар хургасан хүйтэн гэртээ л би ганцаар хоцорсон. Чамайгаа явуулсан

Жаргалтай байсан дурсамж л сэтгэлийн гүнд үлдээд... харуусал нөмөрсөн

Хоног өдөр гунигт дурсамжаар цасан будрах мэт намайг дарсан

Хоосон гэртээ би өнчрөөд итгэл алдран ганцаар л хэвтсэн

Хоол ч идмээргүй, шаналаад л суухад тамхи л хань болсон

Хорвоо гэдэг ийм байсийм уу гэж хашгираад үсээ зулгаасан

Хоног өдрүүд ингэж л өнгөрсөн... Харин чи мэдээгүй ээ...

Чи ирээгүй.... Гэрт минь хүйтэн жавар л хурганам

Чимээ алдараад сэтгэл чинь холдсоноос миний итгэл унтарсан

Чихэндээ ч үл итгэм чиний л хэлсэнд тэр үгэнд гомдохдоо

Чимээгүйхэн мэгшээд зүрхэндээ гунигаа би нуучихсан...

Чи тэгэхэд бас л ирээгүй... ирэх ч үгүй биз...