Зовхин дээр чинь тогтон бөнжигнөх нулимсан дусал гялтагнаж
Зовлонг тэвчсэн сэтгэлийн гал чинь бадамлах агшинд
Зоргоороо дүүлэх хараацай адил цэл залуу нас чинь
Золоор учирсан амрагтаа хайраа хадгалдаг нь жам л юм даа...
Дууны аяанд сэтгэл гэгэлзэж, хоолой чинь зангиравч
Дуулим хорвоо ийм л юм гэж бодох цаг ирэх л бүрийд
Дутуу жаргалыг гүйцээхсэн гэсэндээ чи хайртдаа шунадагч
Дурлалын дарс чамайг хөлчүү л үлдээдэг хорвоогийн жам даа...
Одод тоолсон шөний уртад чи түүнийг л санагалзанхан байж
Омог бардам харцанд чинь гуниг сүүдрээ л тусгадаг ч
Охин тэнгэрийн заяатай хонгор чиний өмнө хорвоо өөрөө сөхрөөд
Охь хайр чинь дурлалын дарс болон тунах мөч бий... Бүсгүй минь...
0 Сэтгэгдэлтэй: