ЧАМГҮЙ БОЛ БИ ЦАГ ХУГАЦААГҮЙ ШАНАЛАЛ

Санахдаа би...
Зуун жилийн ганцаардал дунд
Зулын гол шиг бөхдөг
Тас харанхуй ноёлох тэр харууслын дунд
Тарчлаан л байдаг.

Санахдаа би...
Хил хязгааргүй оронзайд
Цаг хугацаагүй шаналдаг
Хэн ч мэдэхгүй тэр харууслын дунд
Хэсэгтээ л там шиг дүрэлздэг

Санахдаа би...
Нурсан балгас шиг сарны гэрэлд
Нуугдсан гомдол болж асгардаг
Наран ургахгүйгээр үргэлжлэх тэр харууслын дунд
Нас минь нэг нэгээрээ хорогддог.